humans
حالياً قاعد آخذ كورس التدريب العملي المطلوب للتخرج …. اشتغل الحين في ادارة أموال القاصرين-وزارة العدل في قسم الهندسة
مو هذا موضوعنا ، الموضوع هو انه لما تشتغل في مكان مماثل تشوف العجايب وتروح من بالك كل افكارك القديمة عن طيبة الناس و عدالتهم تجاه غيرهم
تشوف اخوة يضربون خواتهم اعلى حساب مبلغ لا يزيد طوله عن الاربع ارقام … يضربونهم قدام كل الناس وفي نص الوزارة . من جم يوم جا واحد صغير وتكلم ويا احد الموظفين يقوله ان احد المحامين اتصل له وخبره ان المبلغ اللي قالوا له انه بيورثه طلع بالغلط وهوه ماله شي
سأله الموظف : قالك السبب ؟ قال اي وهو منزل راسه …. رفع راسه وهو بيصيح وقال : لأني ولد غير شرعي
الولد جابته امه عقب ثلاث شهور من زواجها من ابوه طبعاً امه مو الاولى وعنده اخوة من مرت ابوه اكبر منه بسنوات …. الاخوان طردوا الولد من البيت … اكيد مايبون اخوهم النغل يقعد وياهم … فموت ابوه خلاه يتيم و مفلس و بلا عائلة ومنبوذ من المجتمع …. طبعاً مايحصل هالولد جنسية لأنهم خلاص عرفوا من وين يحصلون النغول اللي مابتقول ليهم لا
هل هذا هو الشرع ؟؟ اذا اي … شالذنب اللي اقترفه عشان يصير له جدي ؟ ادري ان اللي سواه ابوه غلط بس ليش الولد قاعد يتحمل الخطأ ؟ شدخل الجنسية في الموضوع ؟ يمكن ماجا بطريقة شرعية بس الولد جا من نفس المكان اللي اخوانه جوا منه يعني ابوه معروف.
احد يقدر يشرح ليي اشلون من الممكن اللي يصير هوه العدل؟
It is because of the flying spaghetti monster.
minus said this on August 8, 2007 at 1:50 pm
الابناء الغير شرعيين خطيئة و ضحية للمجتمع
:roll: ما اشوف الي ماندري من وين جايين ما عطوهم جنسية؟ الي اسم ابوه كلب والي اسم ابوه سبال؟!! بحريني
cookie said this on August 8, 2007 at 9:04 pm
إذا حجى الشرع الكل ياكل تبن
moodz said this on August 9, 2007 at 12:44 am
someone explain la !
lizardo said this on August 9, 2007 at 8:50 pm
[...] blogger Lizardo is on an on-the-job training stint – which he has to complete to earn his university degree. In this translation, he tells us some of [...]
Global Voices Online » Bahrain: Illegitimate Children said this on August 9, 2007 at 9:16 pm
تعودنا في البلاد العربية اننا نشوف اشخاص يدفعوا ثمن اخطاء غيرهم والمثال اللي ذكرته فيه كثيرين مثله..
نتمنى من الحكومات العربيه انها تضع حد لمثل هذه الافتراءات
محمد بن سالم said this on August 11, 2007 at 12:44 am
هذه خطيئة ارتكبها الاباء وكانت ضحيتها هذا الطفل … لكن ما ذنب هذا الطفل .. لم يكن له الخيار بان ياتي الى هذه الدنيا بهذه الطريقة .. لا بد من وجود قانون أو ما شابه يحمي من يكونوا ضحية الاخطاء …
أمام المجتمع طفل .. لا يعلم مصيره الا من خلقه … امامه .. حياة مليئة بالمخاطر .. الانحراف سهل لهذا الطفل اذا لم يجد رعاية تحميه من أي المخاطر
وجه السعد said this on August 19, 2007 at 1:34 pm
شكرا على ردودكم محمد و سعيد
lizardo said this on August 19, 2007 at 8:18 pm
شلون يورث هالرجال .. وهو مو مأبوه . هو زوج أمه .. نعم اذا توفيت أمه يرثها
haddar said this on September 1, 2007 at 6:33 am
و اذا امه ماورثت شي ؟
شنو ذنبه هو هذا هو السؤال
lizardo said this on September 1, 2007 at 2:45 pm